Profesia ba fim du mundu: Mitu ida ke nunka mosu



Profesia barak tebes kona-ba fim do mundo íha buat ida ke hanesan: nunka nem ida konfirma!


Faktu katak kalendáriu naruk husi maia sira remata siklu íha loron 21 dezembru ba tinan oin mai hamosu ánimu ba sira be fiar katak ita ema-nia moris se hotu íha rai ho loron ida ke marka tiha ona.

Íha mos balun be hatudu katak íha loron aban bain rua umanidade-nian sei “mosu” xoke ho meteoritu, husi planeta seluk ka husi ko´ak metan kontra Rai  hodi argumenta ba favor teoria be hatete katak “ita-nia loron konta tiha ona”.

Bainhira bolu sientista sira hodi fo sira-nia kontributu ba esklarese katak laíha buat aat ida mak sei mosu ba alende imajen be  katastrofista sira temi, barak mai ho intensaun komersial atu faan filme, livru no produtu asosiadu, seluk ba taru hodi domina fiar na´in no hetan ema ba tuir sira.

Kona-ba data 21 dezembru tinan oin mai, “laíha nen kualker profesia maia, asteka ka Mesoamérika antigu be sujere katak sira profetiza kualker tipu bo´ot ka mudansa bo´otr íha 2012", katak estudiozu ba maia Mark Van Stone, sita tuir íha Wikipédia.

Sosiólogu Moisés Espírito Santo, espesialista íha relijiaun, sita tuir Correio da Manhã íha Juñu liu ba, rekorda tuir preokupasaun espiritual kona-ba fim do Mundo mai husi dok tiha ona: "Jesus Cristo rasik hatete ba ninia apostolu sira katak sira balunu sei asisti Juízu Final".

"Relijiaun hotu hotu íha ninia livru refere ba loron Juízu Final, no íha bebeik ema be buka data ba eventu sira ne´é. Maibe movimentu marjen sira mak hatudu bebeik ba data konkretu", nia esklarese.

Maske asesu fásil ba koñesimentu be buras íha atualidade ho inkrimentu husi teknolójia foun, sientista sosial konsidera katak fiar sira ne´é sei kontinua mosu bebeik.

"Henesan utopia ida se ita hanoin katak Siénsia sei bele lori ema hodi husik hela ninia fiar. Sei íha bebeik sira be fiar íha teze sira be nakukun liu tan", afirma Moisés Espírito Santo ba jornal, konkretiza ho: "Teknolojia no rede hanesan internet serve dala barak ba ema buka justifikasaun tan ba buat sira ne´ebe sira fiat".

Profesi ida ke foun liu no mos fomozu liu maibe lamosu, hanesan mos ho sira seluk, katak mundu sei remata íha 21  maiu liu ba no ninia autor  hamosu husi liu husi matéria:  pastor protestante Harold Camping, enjeñeiru sivil ho tinan 90 famozu ho ninia programa rádio no televizaun be nia aprezenta.

Nia fiar tebes ba buat ida no fa´an hotu kedas ninia sasan no konvense mos segidor dira seluk hodi halo hanesan. Kuandu nia hader íha loron ida ne´é no verifika katak loron ida ne´é bazikamente hanesan ho loron horseik nian, nia husu deskulpa no hatete katak nia halo konta mak sala. Katak afinal loron hanesan maibe fulan lima ba oin tan: 21 outubru 2011.

Lusa

Eskalabis às 15:31 | link do post | Adicionar aos favoritos