Timor: Rai kiak ida-nia Natal





Ha´u to´o íha Timor foin mak loron 15 nia laran, Nem íha sinal Natal ida íha luron, loja no fatin públiku íha Dili, kapital. So íha parókia sira mak movimenta hitoan ona ba halo preparasaun ba domingu Adventu ba dahuluk.

Íha rai kiak ke lia-moris kristaun koalia aas liu fali no forte liu hanesan símbolu husi fé be íha ligasun ho Natal ho Evangellu.

Íha rai osidental sira, mitu barak mak halo kamuflajen ba istória, lenda sira troka tiha mistériu no Kosok-oan be fo-aan ba umanidade troka fali ho kultu konsumu no ho  fraternidade universal ida ke kosmétika liu fali fraterna.

Íha rai kiak, Pai Natal labele riku demais. Empreza komersial sira íha indonéziu sira-nia liman, laíha tradisaun natalísia, no ho kapasidade elétrika be menus mos lapermite publisidade ka dekorasaun lakan barbarak.

Timor-Leste mantén fiel ba tradisaun kristaun, expresa íha selebrasaun litúrjika no íha prezépiu popular.

Kontraste tebes ho apelativu konsumista íha osidente be nakonu ho fitun nabila no mostra oin oin, hodi dada atrasaun públika no halo kompetitiva lahanesan ho rai  oriental ida ne´é ke halo aprezentasaun prezépiu íha luron no íha sidade tomak no mos íha aldeia. Prezépiu mak hanesan sinal bo´ot ke haketak  no marka Timor-oan sira nia tempu Natal. Íha bairu hotu hotu, íha luron ninin kiik ka fatin bo´ot, atu fali íha fatin izoladu dok husi estrada ibun, joven sira halo estrutura prezépiu ida ke sólidu ke bele rai hela husi tinan ba tinan, dekora ho figura artesanatu lokal no atu fali íha montajen elétrika, tam laíha eletrisidade maske karik loron ida sei to´o íha neba.

Íha sinal sira ne´é, simples, tradisional no ho sentidu kristaun mak ita rezume valor Natal Timor-oan sira-nian, ho seia NAtal, laos nakonu ho bacalhau no peru , limita ba etu lorloron, halo riku ho modo barak no hanesan "ketupa" no hahan hanesan , "sagu" no "kué rambu".

Íha Timor-Leste Natal sei Labarik hela, laos katus ida (pai natal); ninia konsoada kiak liu, maibe fraternal liu; ninia ai-huun ladun lakan, maibe projeta nabilan liu fali; ninia prezépiu ladun íha arte no ladun íha enfeite, maibe íha istória no teolojia.


Frei Manuel Rito, missionário Capuchinho

Agência Ecclesia