Fondant au chocolat

 

 

Ba sira be vejetarianu mos ami lahaluha.

 

Ingrediente
    Margarina vegan: 170 g
    Xokolate ba tein vegan (ka xokolate metan): 150 g
    Masin-midar: 300 g
    Susu-been soya: 250 ml
    Fariña ho fermentu: 220 g
    Kakau rahun: kanuru sopa isin 2
    Liñasa fulin halo rahun hanesan fariña: kanuru sopa isin 2
    Bee: kanuru sopa isin 4

 
Preparasaun

Hamansa uluk kedas fornu ba 160ºC.

ìha sana ida kahur xokolate (harahun ba parte hanesan), margarina, masin-midar no susu-been soya. Hamanas íha ahi kiik, kahur bebeik to´o  sai mistura  ida liza no sedoza. Hasain husi ahi, tau mistura ba tasa ida no husik malirin durante minutu 10.

Íha tasa kiik ida kahur liñasa be harahun tiha ona ne´é ho bee.


Fondant

Bainhira xokolate malirin ona, peneira fariña no kakau ba sana laran hodi kahur tan dala ida neneik ho kanuru bo´ot ida. Tau tama tuir liñasa ba be kahur tiha ona ho bee no kahur neneik maibe didiak tan dala ida.

Fora forma kabuar ida ho suratahan vejetal no tau tuir ho manteiga.

Tau tama masa ba forma no hatama ba fornu durante minutu 40.

Bainhira tasak ona husik tiha minutu 10 íha forma mak foin hasain, tenki neneik no ho kuidadu, ho espatula ida hasai bolu ninin.

tags: