:: PAVLOVA::



Sobremeza tradisional Austráliana ida ke popular tebes íha Natal veraun-nian.

Ingrediente
2x kanuru maizena
4 mantolu mutin (temperatura ambiente)
Masin-midar refinadu xíkra 3/4
1x kanuru xá ba extratu baunilla
1x kanuru xá tua sin
1 1/4 xíkras kreme


Dekorasaun
Ai-fuan hanesan hudi, morango, marakujá,etc
Ita bele halo mos ita-nia toping rasik. Ita-nia imajinasaun mak limite.


Preparasaun

Hamanas uluk fornu ba 150º.

Ho pinsel ida pinta manteiga be halo been tiha ona ka ho mina ba forma laran. Íha forma nia baze tau tama suratahan vejetal

Kari hitoan amidu batar ba fomra laran, hasai tiha se barak demais.

Baku mantolu mutin to´o sai kastelu, hatama tutuir masin-midar, kanuru isin toltolu, baku to´o sai espesu no lakan no to´o masin-midar disolve. Tau tama baunilla no tua sin, baku tan ba kahur didiak.

Tau mistura mantolu mutin ne´é ba forma laran, espalla didiak. Lori ba forma durante oras 1. 15 ka to´o nia sai to´os. Husik malirin didiak íha fornu laran, loke deit odamatan fornu nia hitoan.

Bainhira malirin ona, hasai tiha merenge ne´é uza ho tudik ida ba ajuda hasai husi forma laran no tau ba bikan be atu uza ba serve.

Íha tijela ida baku kreme to´o sai to´os. Tau sa´e ba pavlova leten. Hotu dekora ho ai-fuan be ita hili tiha ona.

tags: