Ita tama iha fulan-Dezembru!

 

Objetivu prinsipál maka gasta osan no han hodi simu Natal?

Iha époka ne’e, ita hotu bele tama iha konjuntu kompleksu ba estímulu sira hodiu gasta osan no han hodi simu Natal bainhira iha realidade buat hirak ne’e laiha espíritu Natal nia.

 

Tuir akordu ho tradisaun balun no regra sira ne’ebé la funsiona iha sosiedade konsumista, altura ida-ne’e justifika komportamentu disfunsionál sira hanesan halo kompras no alimentasaun.


Dika sira:

 

- Halo kompras Natal nia tuir ita-nia rekursu finanseiru: halo planu ida di’ak ba despeza iha família; Osan hira maka bele gasta iha kompras no prezente Natal nia?

 

- Konsidera katak preparasaun sira kalan Natal nia bele halo ansiedade? Identifika hanoin sira (preokupasaun) ne’ebé bele halo ansiedade; fotór sira ne’ebé relasionadu ho hahán Natal nia, konvidadu sira, kompras, prezente sira, relasionamentu ho ema seluk ne’ebé importante, no seluk tan. Organiza no halo planu kalan Natal nia ho antesedénsia, labele husik buat hotu ba loron ikus (presaun no stress).

 

- Bainhira ita tuir planu alimentar ida, hare ita-nia emosaun. Ne’e katak identifika situasaun risku sira no fatór protesaun  nia (festa no prezente sira). Hare ba hahán ne’ebé iperkalóriku. Bainhira han liu hahán ho kaloria maka’as bele transforma ba bokur. Tenki evita moe no sentimentu sala nia kona-bá ita-nia isin, todan no alimentasaun. Pratika alimentasaun saudável no oioin.

 

- Bainhira ba sentru komersial sira, tenki halo planu prevensaun nia atu labele gasta barak liu. Ema balun tama iha ambiente hanesan ne’e, gasta osan estra iha kompras ne’ebé la presiza. Bele hili halo kompras online.

 

-Ba ema balun, loron ne’ebé stress liu maka loron 22 fulan-Janeiru. Bainhira haree iha koreiu, konta iha kartaun kréditu ne’ebé aas tebes. Tenki evita arependimentu.

 

- Hafoin festa, sei iha sensasaun mamuk, nostaljia, melankolia no saudade. Halo nusa maka ita bele haree ita-nia sentimentu sira hafoin festa ruma? Buka atu bele iha konvíviu ho ema seluk.

 

Tebes duni, kualidade relasionamentu ho ema seluk (afetu sira), prétika sira ne’ebé di’ak no domin ba ema ne’ebé besik ho ita la’ós konsumizmu  deskontroladu.