Regra 12 sira atu labele bokur iha Natal

 

 

 

Labele aproveita iha époka ne’e atu abuza. Antes monu iha tentasaun iha Natal ne’e, hanoin lai buiat ne’ebé di’ak ba Ita.

 

Maski époka ne’e nia karakterístika hanesan jantar no festa sira ho meza nakonu ho hahán ne’ebé la falta dosi no hahán sona natalísiu nian, tenta atu labele iha ezajeru ba Ita-nia saúde no isin di’ak.

 

Atu ajuda iha tarefe ne’e, halo tuir 12 mandamentu sira husi nutrisionista Patrícia Segadães nian:

 

  • Dosi sira Natal nian hahú mosu antes loron Natal nian. Tenki rezisti tentasaun ne’e no rezerva iguaria sira kuadra nian ba momentu festa nian.

 

  • Aproveita okaziaun festa sira-nia, liuliu jantar Natal empreza nian, ho amigu sira ka iha família, atu koko dosi oin-seluk, duké han kedas dala ida de’it. Bainhira han rabanada ida, soñu ida, fatia bolu-rei ida, arroz doce tasa ida no ai-fuan maran balun, Ita han ona kaloria estra hamutuk 1.542 iha loron ida de’it.

 

  • Halo planu fulan nian ho loron festa sira-nia no loron sira ne’ebé tenki tuir prinsípiu sira dieta saudável ida-nia no labele haluha hemu bee, labele hakat refeisaun sira no tenki halo ezersísiu hodi ekilibra esesu sira.

 

  • Tentasaun sobremeza nian iha garantia. Tenki sukat iha bikan prinsipal no han modo-tahan barak hodi provoka hamrook.

 

  • Mantén tradisaun konsoada nian, evita hahán alternativu bakallau ne’ebé iha kaloria maka’as hanesan bakallau ho nata no bakallau espiritual no privilijia bakallau tradisionál ne’ebé halo ho azeite no akompaña ho kouve no modo-tahan.

 

  • Aproveita konvíviu hodi aplika regra báziku alimentasaun saudavel nian: han neineik. Tau kanuru ho garfu sira no nata hahán sira to’o dala 40. Hanesan tempu ne’ebé presiza atu kakutak senti katak sasiadu ona.

 

  • Aprezenta dosi sira iha porsaun oituan, evita prepara hahán iha kuantidade barak ka bele konjela tiha hahán restu.

 

 

  • Tau iha ementa Natal nian hahán ne’ebé halo di’ak ba metabolizmu no ajuda hatun kaloria hanesan kanela, ai-lia, pimenta, ananás, ai-dila no xá verde.

 

  • Iha preparasaun ba sobremeza nian, hatun masin-midar no bokur. Uza masin-midar amarelo, hili hahán ne’ebé halo iha fornu duké sona, troka susubeen bokur ho susubeen magru no troka nata sira ho iogurte naturál.

 

  • Evita hemu hemun sira ne’ebé iha alkól. Tenki hanoin katak grama ida alkól nian reprezenta 7 kcal. Hili bee, viñu no xampañe. Iha hemun sira ne’e, graduasaun alkól nian ki’ik nune’e ladun hetan kaloria.

 

  • Mantén Ita-nia oráriu abituál sira no han matabixu ne’ebé di’ak. Iha ona aprovasaun katak matabixu ajuda no kontrola apetite durante loron ida nian.

 

  • Evita períudu naruk jejun nian ba refeisaun festa nian no antes almosu ka jantar, han ai-fuan ka sopa ruma hodi kontrola apetite iha meza.

 

Patrícia Segadães (nutricionista)