Dika kriativu ba halo dekorasaun Natal



Dekora uma ba Natal hanesan atividade karakterístik ida husi kuadra ida ne´é: ita halo nakfilak ita-nia fatin moris lorloron, sai fatin ida be nakonu ho májiku, Nakonu ho espíritu natalísiu.

Lapresiza atu gasta barak hodi bele dekora uma ba époka festiva ida ne´é, dala ruma uza deit sasan be íha ona, kombina ho objetu be los bele hamosu  dekorasaun orijinal no ekonómiku.

Hakarak halo dekorasaun natalísia ida ke elegante no atual? Uza elementu dekorativu ho kor ida deit – osan-mean, osan-mutin, mutin, mean, … – no diversifika tuir pesa, kahur ho lilin, bola no fitun, exemplu ida, uza buat  hotu hotu ho kor ida deit, kondisaun ida ne´é válidu  ba dekorasaun hotu hotu.


Divizaun saida deit mak hakarak dekora?
Bele konsentra dekorasaun Natal íha deit sala ka divizaun uma laran ida deit – sala vizita / jantar – ka bele hili hodi enfeita uma laran tomak, tau ho apontamentu kiik natalísiu íha kualker divizaun: íha hariis fatin ka dapur, ho hena natalísiu, iman ka pesa dekorativa aluziva ba Natal. Labarik oan sira mos bele inspirasaun ba imajinasaun no dekora sira-nia kuartu rasik, lori ho espíritu natalísiu ba sira-nia fatin.

 



Koroa natal
Ba fo boas-vindas ba époka Adventu no antesipa dekorasaun íha ita-nia moris fatin, tara koroa Natal ida íha odamatan tama-nian. Sosa ka halo rasik; kabuar ka oval; ho piñeiru ka ramus maran; ho apontamentu mean, kor osan-mean ka osan-mutin; ho fita ka lae; ho bola, butaun ka ho fali novelu husi lã … ida los mak ne´é provavelmente ita sei hadaet ba viziñu sira hodi halo ida ke hanesan mos!

Dekora didi lolon
Bele híli hodi dekora didi lolon ho dekorasaun tradisional natal-nian; fita ka bola, postal Natal; ka bele híli motivu dekorativu ho vinil autokolante be bele hasai, prátiku tebes no konfere ba halo ambiente ida ke oinseluk ba fatin ne´é.




Ai-huun Natal dekorativu
Híli atu dekora aparador ka ármariu, meza apoiu ka prateleira ita-nia uma nian, ho ai-huun kiik natal bele resikla, halo husi jornal ka revista ida, sei fo toke ida ke pesoal no orijiinal ba ita-nia dekorasaun.


Aranju dekorativu
Aranju natal sempre hanesan opsaun ida ke diak: tradisional ho lilin no ai-funan típika ba époka “poinsettia”; tasa ida husi vidru ho bola natal, ka ho deit kompozisaun ho motivu natal, sei fo toke modernu ida no natalísiu ba ita-nia uma. Forma orijinal no simples atu halo dekorasaun no uza gallu maran, pinta tuir no dekora ho motivu aluzivu tuir époka, konfere ba ninia freskura no kaman ba dekorasaun.




Dekorasaun ba lareira
Ba sira be moris hela íha rai malirin no íha lareira íha uma, lareira bele sai hanesan pontu sentral ba dekorasaun natalísia, rekantu ida ke májiku tebes no íha sintonia. Aproveita fatin ida ne´é hodi tara postal natal be ita simu dadaun durante tempu natal, se karik híli hodi tau ornamentu natalícios, basta tara  grinalda husi rohan ba rohan hodi beçe suspende postal. Dekorasuan Natal instan no bele atualiza lorloron. Tuir tradisaun tara meias íha lareira, hodi nune´é Pai Natal bele tau ba ita-nia prezente! Se íha fali dekorasaun ida ke natalísia liu ida ne´é? Buka tok meias ida ba kada membru família no uza tinata ka kaneta nabilan hodi hakerek naran ba ida ida íha meias sira ne´é.




Ana Hipólito
Arquiteta
anacrisfh@gmail.com