Australianu hetan rekord ba Dekorasaun Natal nian

David Richards halo dekorasaun iha sentru komersiál ida iha Canberra hodi hetan osan ba instituisaun karidade nian.

 

EPA@ Alan Porritt

 

Inisiativa ne'e permiti ona ba advogadu australianu ne'e hetan rekord ida bainhira inslata ahi-oan Natal nian ahmutuk millaun 1,2 resin iha sentru komersiál ida iha Canberra, Austrália. Dekorasaun ne'e rejista ona hosi Guinness iha loron-sesta liubá no utiliza fiu metru millaun resin ho kór oioin nebe kesi iha pontu boot tolu, no konsideradu ona haneasn dekorasaun Natal boo tliu iha mundu nebe halo hosi LED. Hamutuk ahi-oan 1.194.380 maka halo imajen 3D sira ba prezente Natal tolu ho 3865 metru kuadradu.

Tuir komunikadu nebe fó sai hosi Guinness World Records, instalasaun ne'e halo hodi hetan doasaun ba instituisaun karidade SIDS and Kids ACT. "Ami halo buat hotu tanba ami hakarak kontribui ho organizasaun nebe tulun ona mai hafoin akontesimentu trájiku nebe ami hasoru iha tinan 2002", David hatete. Advogadu ne'e hahú harii instalasaun sira ba ahi-oan Natal nian hodi hetan doasaun ba karidade bainhira nia lakon ninia kosok-oan iha tinan 2002.

 

EPA@ Alan Porritt

Tuir komunikadu nebe fó sai hosi SIDS and Kids ACt, dekorasaun ne'e halibur ona vizitante hamutuk rihun 75 no hetan ona osan US$ rihun 140.

Iha tinan barak ninia laran, advogadu hosi Canberra ho ninia feen Janean hetan ona osan US$ rihun 200 resin ba instituisaun karidade lokál nian. Tinan ne'e, David husu ona apoiu ba komunidade Canberra nian no afirma ona katak espozisaun ahioan Natal nian "sei laiha bainhira laiha kontribuisaun jenerozu sira hosi empreza lokál sira".

 

ho Época Negócios