Dalan lima hodi halo meza Natal perfeitu ida

Sujestaun hodi impresiona ita ninia konvidadu sira iha kalan espesiál tebes.



Tempu la'o lalais tebes... Ita tama ona iha époka ida nebe espesiál tebes no ita labele husik buat ida ba tempu ikus. Nune'e ami sujere dalan lima hodi impresiona ita-nia konvidadu sira ho meza Natal perfeitu ida!

1. Hili tema sentrál ida
Hahú defini buat nebe maka époka ne'e reprezenta ba ita: Tradisaun? Elegánsia? Majia? Jenerozidade? Natureza? Glamour? Hafoin hetan tiha resposta tenki fiel nafatin ba tema nebe hili ona no hahú aplika iha detalle sira.

2. Hili paleta ho kór sira
Tuir tema, hili másimu kór tolu. Hanesan ezemplu mean, matak ho kór douradu kombina di'ak ho Natal tradisionál, kór osan-mutin, mutin ho kór azúl kalohan nian transmiti elegánsia ho majia oituan. Hili paleta kór sira iha sasán dekorativu sira hodi bele uza.

3. Hili porselana ho kualidade
Serbisu simples ida, ho elementu tomak (bikan, bikan ba sopa, bikan ba sobremeza...) no tudik, garfu, kanuru nebe bele fó nabilan ba ita ninia meza. Tenki hanoin mós bikan markadór ida no tenki hare katak iha fatin ba konvidadu tomak.

 

 

4. Uza NAFATIN baze neutru ida
Labele uza toalla sira ho kór! Toalla ida meza nian ho kór neutro di'ak liu no permiti kriasaun inspiradór sira iha detalle sira.

5. Tenki rigorozu ba detalle sira
Ita nia meza ninia furak, la'ós iha kuantidade no tamañu objetu sira nian nebe ita hili, tanba bele hamosu deskonfortu balun iha konvidadu sira. Hahú ho baze neutru ida no husik tuir inspirasaun. Bele uza lilin, ramu ka ai-fuan maran sira. Elementu sira nebe hatudu sasán naturál hanesan aposta di'ak ida.

Elementu simples sira sei hamosu majia époka nian no fó espíritu natal nebe loloos ba konvidadu sira hodi nune'e han kalan Natal nian sei sai perfeitu!