Tradisaun neen insólitu no suprendente Natal nian

Iha ema balun maka asisti missa kalan nian no iha ema balun nebe lakohi hein to'o kalan hodi loke prezente sira maibé, iha fatin seluk, iha hahalok no hábitu sira nebe orijinál.


Iluminasaun Natal nian iha sidade Nice, Fransa. EPA@ Sebastien Nogier


Hanesan tempu ida iha tinan ida nia laran ho tradisaun maka'as. Iha mundu tomak, la falta pormenór nebe halo diferensa kona-bá oinsá maka kultura oioin selebra Jesus Kristu nia moris ka, iha kazu balun, konsumizmu típiku hosi époka ida ahi-lakan nian, dekorasaun sira, enfeita ai-hun sira, dose espesiál sira, prezente sira, konvíviu famíli anian no seluk tan. Deskobre tradisaun sira nebe insólitu no suprendente Natal nian, dalabarak hanesan orijinál.

1. Hakmatek Natal nian
Hatene katak iha Fransa hanesan tradisaun halo dame ho inimigu sira iha loron Natal nian? Iha rai gaulés sira, períudu ne'e hanesan sinónimu perdaun no komprensaun nian. Tanba ne'e, iha loron 25 fulan-Dezembru ema fransés sira hametin tradisaun rekonsiliasaun nian iha époka Natal nian no vizita inimigu tuan nia uma, família ka belun ruma, hodi halo dame. Nune'e, rekonsiliasaun ne'e sei brinda ho tua no, dalabarak, akompaña ho krepe.

2. Ba missa ho skate
Hatene katak iha Venezuela, iha semana antes Natal nian, iha tradisaun ba missa ho skate? Entre loron sira 16 no 24 Dezembru, ema venezuelanu barak maka iha hábitu ba missa dahuluk loron nian, baibain sira bolu Missa Agrinalda. Liuliu iha Caracas, hanesan baibain maka labarik no ema adolesente sira ba ho skate, nune'e maka tenki taka dalan ba tránzitu to'o tuku ualu dadeer, hodi fasilita asesu ba igreja sira. Hodi mantén tradisaun, iha aman-inan barak maka laiha dúvida fó prezente skate ba sira nia oan!

3. Natal lahó ai-saar
Hatene katak iha Noruega tenki subar ai-saar iha kalan Natal nian? Ema noruegés sira fiark katak, durante kalan Natal nian, buan no espíritu diabu sira la'o iha dalan sira hodi halo festa no nune'e maka ho halimar buan ho espíritu diabu sira na'ok ai-saar hodi semo. Iha rejiaun típiku Fiordes sasán doméstiku ne'e rai metin no bele sai de'it hosi armáriu bainhira ema ida halo monu buat ruma ba rai.


Iluminasaun iha Katedral de St. Petri iha sidade Bremen, Alemaña. EPA@ Ingo Wagner


4. Pickles iha ai-hun Natal nian
Hatene katak iha Alemaña sira tau pickles iha dekorasaun ba ai-hun Natal nian? Iha nasaun sira nebe halo serveja ho salsixa hanesan tradisaun ida aman-inan sira hakotu dekorasaun ba ai-hun antes kalan festa nian no elementu dekorativu ikus maka pickle ida, nebe tenki halo hosi vidru, tuir tradisaun. Parte engrasadu nian maka pickle tenki tau iha dekorasaun seluk nia klaran. Iha loron tuirmai, labarik ida nebe hetan pickle sei sai hanesan labarik dahuluk nebe loke prenda no iha direitu ba prezente ida tan.

5. Natal iha sauna
Hatene katak iha Finlándia populasaun frekuenta sauna sira antes Natal? Tanba malirin maka'as, hariis vapõr manas okupa pozisaun dahuluk iha ema finlandés nia loron-loron, no hanesan mós liafuan iha lian finlandés nebe koñesidu iha mundu. Maibé ne'e la'ós parte oiun-seluk tradisaun antes Natal nian. Bainhira ema balun hakarak hemu hemun nebe manas hodi halo manas sira ninia liman, iha ema balun maka hakarak hamanas isin-tomak, hodi hanoin ba prenda sira nebe sira sei simu.

6. Figura sira Natal nian
Hatene katak iha nasaun europeu barak maka iha tradisaun halo maskot ho asesóriu Natal nian? Tentativa hodi muda asu ka busa ba bibi-rusa Pai Natal nian hamosu momentu divertidu sira iha família, nebe dalabarak animál na'in sira hasai fotografia ho tau iha rede sosiál sira.

ho Saber Viver