Reseita: Biskuitu Natal nian

 

Ingrediente sira:


Fariña trigu 900 g
Fermentu kanuru xá ida
Masin oituan
Margarina iha temperatura normál 200 g
Masin-midar 450 g
Manu-tolun 2
Extratu vanilla ka sumu hosi derok kanuru xá nian rua
Kobertura (opsionál)
Manu-tolun nia mutin rua
Masin-midar pó 900 g
Korante hahán nian ho kór oioin

 

Preparasaun:


Ho batedeira elétriku, kahur margarina ho masin-midar to'o hetan mistura ida ne'ebé mihis. Hafoin ne'e maka hahú tau manu-tolun, ida-idak ho neineik.
Peneira fariña ho masin no fermentu no ho batedeira kahur neineik, hafoin ne'e kahur manu-tolun ho fariña. Tuirmai, kahur extratu vanilla ka sumu derok nian.
Ho masa ne'e halo bola ida hafoin ne'e embrulla iha plástiku ida no tau iha frigorífiku durante minutu 30. Tuirmai liga forno ho temperatura 170ºC.
Tau masa iha meza leten no hahú estende ho rolu ida no ko'a bolaxa sira ho forma ne'ebé iha ligasaun ho natal (hanesan fitun sira, ai-hun natal nian, bola, no seluk tan). Tau iha tabuleiru ida ne'ebé fora ho surat tahan vejetál no lori ba frigorifiku no husik durante minutu 15.
Hafoin minutu 15, hasai hosi frigorífiku no hatama iha fornu durante besik minutu 10 to'o bolaxa nia ponta sira hahú hetan kór mean.
Hasai no husik biskoitu sira malirin hodi bele sai toradu di'ak.

 

Fonte: RAR