Karik feto ida maka hanesan Pai Natal, nia bele halo serbisu?

Ne'e maka hanesan pergunta ida ne'ebé ajénsia ingleza halo ba grupu ida labarik sira nian iha sekuénsia hosi esperiénsia sosiál ida hodi fó korajen ba aman-inan sira hodi ko'alia ho oan sira kona-bá dezigualdade jéneru nian.



Pai Natal hanesan ema ida ne'ebé dezejadu liu iha époka natalísiu nian hosi labarik sira iha mundu tomak. Maibé karik feto ida maka hanesan Pai Natal, nia bele halo serbisu hanesan ho Pai Natal?

 

Ne'e hanesan pergunta ida ne'ebé ajénsia britániku Anomaly halo ba labarik balun, iha sekuénsia hosi kampaña ida hasoru dezigualdade jéneru nian ne'ebé maka ajénsia halo hahú iha fulan-Outubru tinan ne'e, hodi uza hashtag #MoreWomen.

 

Resposta hosi pergunta ne'e barak liu maka LAE, maibé suprende liu iha inkéritu ne'e maka tansá.

 

Haree justifikasaun balun ne'ebé labarik sira hato'o kona-bá tansá maka feto ida la konsege halo Pai Natal nia serbisu:

 

- "tanba nia sei lakon iha lalehan".

- "tanba nia laiha forsa maka'as hodi lori prezente sira. Nia tenki ba uluk jináziu".

- "tanba mãe Natal nia kosok-oan sei estraga prezente sira, no nune'e kosok-oan sei halo nia ulun moras".

- "tanba nia nunka haree Pai Natal ida entrega prezente sira, tanba ne'e nia sei la hatene oinsá maka sei halo.

 

Iha vídeo nia rohan, husu ba labarik mane ida katak saida maka feto ida bele halo di'ak liu no nia hatán: te'in. Sósiu ida hosi Ajénsia Anomaly hatete "Ami halo teste ho ideia ne'e hodi husu ba ha'u nia oan sira. No sira nia resposta suprendente tebes".

 

"Konkluzaun maka to'o Pai Natal nia serbisu bele halo de'it hosi mane ida", refere hosi sósiu ida seluk hosi ajénsia ne'e.

 

Haree vídeo tomak tuirmai ne'e: