Simbolojia ba Natal



 

 

 

Data ida ne´é hanesan ida ke espesial liu ona íha tinan ida ida nia laran ba maioria Katóliku sira be namkari lemo rai. Testu ne´é halo deit deskrisaun kiik ida kona-ba tradisaun ke koñesidu liu ona íha mundu osidental no ke karakteriza époka natalísia ne´é.


 

 

 

Hahu ho destaka Prezépiu ke hanesan figura sentral ba Natal tamba íha neba bele hetan karakterizadu Kosok-oan Jesus moris ba no íha mos figura prinsipal sira, ke marka prezensa íha momentu úniku ida ne´é: Kosok-oan Jesus, Maria no José (inan-aman), karau no buru (be hamanas kosok-oan), bibi-atan sira (ke hasa´e garsa ba Kosok-oan nia moris), Liurai Magu sira (be lori prezente ba Kosok-oan), Anju (be anunsia Kosok-oan Jesus nia moris) no fitun (be hatudu dalan ba bibi-atan no Liurai Magu sira). Naran Prezépiu ne´é mai husi dalen latin praesepium no katak manjedoura balada sira-nian.

Figura ba Pai Natal mos agora uza barak íha époka ida ne´é no ema hotu gosta, liu liu labarik oan sira. Nia hanesan imajen ke mosu dala barak liu hodi karakteriza époka festiva ida ne´é. Pai Natal mosu hanesan katuas bokur ida no bonacheirão, ho hasrahun no fuuk naruk no mutin hanesan jelu. Nia hatais traje ho kor mean, kompostu ho kalsa, kamizola, goru, luvas, botas husi kulit no saku bo´ot ida hodi lori prezente ba labarik oan sira íha mundu tomak.

Personajen Pai Natal mosu husi lenda nórdika ida, ke konta istória katuas oan ida be tuun husi xaminé uma-nia ba haree labarik-oan sira, lori ho prezente, sorte no ksolok. Tuir lenda ne´é katuas oan ne´é mak Santu Nicolau, Bispo ida ke halo milagre.

Nia rasik sai hanesan mlagre ida ba nia inan-aman sira, tamba ho tinan barak sira buka atu hetan ona maibe nunka konsege, sira hetan prezente ida hanesan labarik oan ida ke husi kiik kedas hatudu devosuan ba Maromak no bainhira nia bele nia lori nia moris ba ekleziástiku hodi dedika ninia existénsia ba Maromak no ba karidade.

Ai-huun Natal mos hanesan simbolismu bo´ot ida ba epóka ida ne´é. Ninia orijen mai husi Alemaña, família jermánika sira íha tradisaun atu enfeita ai-huun piñeiru ho ai-fuan, dose, no suratahan kor oin oin. Ba kristaun sira símbolu ida ne´é signifika naroman (proveniente husi ahi-oan), alegria (proveniente husi kor oin oin) no moris  (proveniente husi nabilan no enfeite nia kapaas).