Turista millaun ida resin vizita Makau iha semana Natal nian

Makau simu ona turista millaun ida resin entre loron sira 20 no 26 Dezembru, liu 9,92% iha períudu hanesan iha tinan liubá, haktuir hosi informasaun ofisiál sira ne'ebé fó sai ohin.


 

Tuir Polísia sira hosi Seguransa Públiku nian, entre loron 20 Dezembru, feriadu ne'ebé selebra Loron Estabelesimentu hosi Rejiaun Administrativu Espesiál Makau nian, no loron 26 Dezembru, tama ona iha sidade ema millaun 1,649 entre sira maka turista sira hamutuk millaun 1,087.

 

Iha períudu hanesan sai ona, liuhosi fronteira sira terestre no tasi no liuhosi aeroportu ema millaun 1,647 - postu fronteira hosi Portas do Cerco hatudu movimentu maka'as liu ba ema sira ne'ebé tama no ema sira ne'ebé sai.

 

Aumentu ba númeru hosi turista sira durante loron hitu ne'e, kompara ho tinan liubá, la hanesan ho diminuisaun jerál hosi vizitante sira, ne'ebé to'o iha fulan-Novembru nia rohan Makau simu ema millaun 28,08, tuun 3,1% duké períudu hanesan iha tinan 2014.

 

ho Lusa