Liurai-mane alemaun maka lori tradisaun ai-hun Natal ba Portugal

Ai-hun dahuluk instala iha Paço Real das Necessidades iha Lisboa hosi D. Fernando II, duke hosi Saxe-Coburgo-Gotha, D. Maria II nia laen, iha sékulu XIX nia klaran. 

 

 

Ideia ne'e lori hosi D. Fernando II, duke hosi Saxe-Coburgo-Gotha no liurai-mane konsorte, hodi hanoin hikas tradisaun Natal hosi nia infánsia iha Alemaña. Iha tinan 1844 nia klaran, monarka, ne'ebé moris iha Viena, Áustria, tau, iha Paço Real das Necessidades, iha Lisboa, ai-hun ida no enfeita hodi festeja hamutuk ho nia oan na'in hotu no ho liurai-feto, D. Maria II, ne'ebé sai hanesan nia kaben iha loron 09 Abril 1836.

 

Tuir pintura ida ho téknika xapa ne'ebé integra Arkivu Fotográfiku hosi Muzeu-Biblioteka hosi Casa de Bragança (MBCB), ne'ebé pinta rasik hosi liurai-mane, ita bele haree ai-hun ne'ebé enfeita ho lilin, bola sira no ai-fuan sira no monarka rasik hatais hanesan São Nicolau hodi fahe prezente ba prínsipe sira. Maibé, la'ós hanesan úniku, hanesan hatudu hosi rejistu fotográfiku sira seluk.

 

 

Iha data ne'e mós, iha Inglatera, liurai-feto Vitória no prínsipe Alberto, primu diretu hosi D. Fernando II, mosu iha revista Illustrated London News, hamutuk ho nia oan sira, kontempla nia ai-hun Natal nian. Publikasaun hosi imajen ne'e hamosu nune'e, iha tinan tuirmai, hahú sai hanesan moda hosi tradisaun Natal ne'ebé mai hosi Alemaña, nune'e koñesidu depois ba nasaun sira seluk.

 

Fonte: SAPO Lifestyle