Bolu-rei

 

Ingrediente

Manu-tolun: 5
Manteiga: 50 gr
Fermentu rahun: kanuru sopa isin 1
Masin-midar: kanuru sopa 3
Nú-bén: 1 dl
Fariña: sikra xá 2
Uvas maran: 80 gr
Nú raladu: 75 gr
Paun raladu: tuir hakarak
Ai-fuan kristalizada (koa rahun): 80 gr
Ai-fuan kristalizada (tomak): tuir hakarak
Masin-midar rahun: tuir gostu


Preparasaun

Tau manteiga ba forma ida no kari ho paun raladu. Liga fornu ho temperatura 170ºC.
Tuir fali, baku mantulu nia kinur 4 ho manteiga mamar, fermentu rahun no masin-midar to´ó sai kreme.
Fakar neneik, nú-bén, tenki tau troka malu ho fariña ho kuidadu. Kahur didiak.
Hotu tiha tau uvas maran , ai-fuan kristalizada be koa rahun ona no nú raladu. Ikus ona, tau manu-tolun mutin (baku antes tiha ona to´ó sai furin mutin) no kahur neneik ba.
Prenxe forma hó masa, aliza ni aleten no dekora ho ai-fuan kristalizada tomak. Tau ho pinsel manu-tolun nia kinur be baku tiha ona no kari ho masin-midar rahun husi leten.
Lori ba durante minutu 40. To´ó tempu remata ona, hasae tan nia temperatura fornu ba 180º to tunu tan to´ó minutu 10.
Verifika se nia tasak ona ho palitu ida no hasai husi fornu. Sirva morna ka malirin tuir hakarak.

tags: