Istória emosionante hosi mane ne'ebé iha tinan 60 nia laran dezaja ksolok Natal ba liurai-feto Isabel II

Andrew Simes uza rede sosiál Facebook hodi konta istória ida kona-bá admirasaun ne'ebé nia avó-mane iha ba Família Reál Britániku.


 

Hahú tinan 1952 maka iha Natál sira, Albert Alfred Simes hahú haruka postál "Ksolok Natal" ida ba nia Majestade, liurai-feot Isabel II.

 

Maski hela iha Turkia, ne'e hanesan hahalok ida ne'ebé halo parte hosi Albert nia moris to'o nia mate iha tinan 2011. Hamutuk postál 60 maka to'o ona Palásiu Buckingham no nia nunka simu resposta ida.

 

Iha momentu natalísiu ne'e, nia bei-oan-mane Andrew Simes konta istória ne'e iha rede sosiál Facebook no momentu ne'ebé sira na'in rua hasoru malu.

 

"Iha golpe sorte ida nian, sira nia dalan hasoru malu iha 1957 durante resepsaun ofisiál ida iha Izmir, Turkia. Bainhira to'o ha'u nia avó-mane nia oportunidade hodi aprezenta ba liurai-feto, liurai-feto para no hamnasa hodi hatete: "Entaun señór maka haruka nafatin kartaun sira boas festas sira ne'ebé furak". Entre ema sira seluk, ha'u nia avó-mane maka sai liu (karik tanba haruka tiha ona ba liurai-feto kona-bá kartaun sira hosi Turkia) maibé memória no sinál bondade nian hosi parte liurai-feto nian", nia konta.

 

Iha post, Andrew konta mós katak hafoin nia avó-mane mate, nia desidi mantén tradisaun ne'e nafatin no kontinua hakerek kartaun sira ne'e. No iha fulan-Janeiru 2012 maka nia simu supreza boot ida iha nia moris: karta ida hosi liurai-feto Isabel II.

 

"Bainhira iha Natal ne'e ha'u simu karta ida ne'ebé hakerek hosi Simes ida oinseluk, ha'u fó instrusaun ba ha'u nia gabinete hodi hatene kona-bá nia avó-mane. No ho laran-triste maka ha'u hatene kona-bá nia mate no ha'u hatudu ha'u nia kondolénsia ba ita no ba família", hakerek hosi liurai-feto ne'e.

 

"Iha tempu ne'ebá ha'u nia matan-been monu, no ha'u mós la aguenta katak ha'u hanoin istória ne'e, ne'ebé ema na'in rua husik impresaun eternu ida iha ema seluk nia moris. No ohin loron, liutiha tinan ida, ha'u haruka ha'u nia kartaun sira Natal nian...maibé Liurai-feto iha nafatin pozisaun dahuluk", hatutan hosi post ne'e.

 

Ho époka natalísiu ne'e, Andrew desidi rekupera fali istória ne'e hanesan dalan ida hodi fó homenajen ba nia avó-mane, rekupera majia Natal nian no fó hanoin katak buat hotu hanesan posivel, bainhira ita iha fiar.